Française poésie

Poèmes en français


De ses vers, à sa Sainte

J’ay fait bataille à ton nom, de mes vers,
Vers qu’Amour mesme a pour nous fait si fors
Qu’ilz ne craindront de la mort les effors
Quand nous serons desja fais proye aus vers :

Tant que la vie ame de l’univers
Fera tourner la rouë des sept corps,
Qui l’harmonie engendrent des acors
Que font tousjours leurs mouvements divers.

Le bruit volant de l’un à l’autre pole
Les portera sur sa puissante épaule
Tant qu’il les ayt de toutes pars semez :

Cassandre, Olive, et la toute divine,
Et, qui tost claire apparoitra, Méline,
N’iront sans toy aux poupitres famez.


1 Star2 Stars3 Stars4 Stars5 Stars (1 votes, average: 5,00 out of 5)

Poeme De ses vers, à sa Sainte - Guillaume Des Autelz