Française poésie

Poèmes en français


Poeme Mon bel amy, je vous envoye

Mon bel amy, je vous envoye
Nouvelles pour vous donner joye,
Pour vostre douleur secourir,
Et ne doubtez que pour mourir
Je suis vostrë ou que je soye.

Très voulentiers je vous verroye
Se vers vous aller je povoye,
Mais, pource que n’y puis courir,
Mon bel amy, je vous envoye.

Prions a Dieu qu’il nous pourvoye,
Car, se ma voulenté avoye,
Vers vous seroit tout mon plaisir ;
Bien scay que c’est vostre desir,
Vostre voulenté est la moye.
Mon bel amy, je vous envoye.


Poeme Mon bel amy, je vous envoye - Jehan Regnier