Française poésie

Poèmes en français


Tout m’est dueil, tout m’est desplaisir

Tout m’est dueil, tout m’est desplaisir,
Car, jour de ma vie, ung plaisir
Je n’eus d’Amours ne de Fortune.
Je me voys offrant à chascune,
Mais nulle ne me veult choysir.

Puisqu’Ennuy faict mon coeur moysir,
Et Rigueur me faict bas gésir,
Et que tel mal sur moy impugne,
Tout m’est dueil.

Mort sans pitié, viens moy saisir,
Plus tost que tard, si as loysir,
Puisqu’à chascun tu es commune ;
Car, pour en aymer bien fort une
Qui ne veult plaire à mon désir,
Tout m’est dueil.


1 Star2 Stars3 Stars4 Stars5 Stars (1 votes, average: 5,00 out of 5)

Poeme Tout m’est dueil, tout m’est desplaisir - Octavien de Saint-gelais