Française poésie

Poèmes en français


En yver, du feu, du feu!

En yver, du feu, du feu!
Et en esté, boire, boire!
C’est de quoy on fait memoire,
Quant on vient en aucun lieu.

Ce n’est ne bourde, ne jeu,
Qui mon conseil vouldra croire :
En yver, du feu, du feu!
Et en esté, boire, boire!

Chaulx morceaulx faiz de bon queu*
Fault en froit temps, voire, voire ;
En chault, froide pomme ou poire
C’est l’ordonnance de Dieu :
En yver, du feu, du feu!

(*) cuisinier


1 Star2 Stars3 Stars4 Stars5 Stars (1 votes, average: 5,00 out of 5)

Poeme En yver, du feu, du feu! - Charles D' Orleans