Française poésie

Poèmes en français


Asseuré suis d’estre prys et lyé

Asseuré suis d’estre prys et lyé,
Mais asseurer ne puis l’heure et saison
Que je changeay ma franchise à prison,
Dont mon orgueil fut tant humilié.

Si long temps fut couvert et pallié
L’amer du doulx et l’erreur de raison,
Que je cuidois entre loz et poison
Estre immortel et des dieux allié.

Euvre ne fut d’un jour ne d’une annee
Ce changement, mais de main longue et forte
En fut la reth tissue et ordonnee,

Dont aux effaictz du Ciel je la rapporte
Et aux beaulx yeulx qui de fatale sorte
Tournent mes ans, ma vie et destinee.


1 Star2 Stars3 Stars4 Stars5 Stars (1 votes, average: 5,00 out of 5)

Poeme Asseuré suis d’estre prys et lyé - Mellin de Saint-gelais